Extinguido en Calvos de Randín un lume forestal que entrou no parque natural do Xurés
OURENSE
CALVOS DE RANDÍN
As chamas afectaron a pouco máis dunha hectárea e quedaron extinguidas en pouco máis de catro horas
14 may 2023 . Actualizado ás 05:00 h.Os medios de extinción lograron controlar pouco antes das cinco da tarde do sábado o incendio forestal que se declarou horas antes no municipio de Calvos de Randín. As chamas afectaron a 1,1 hectáreas de superficie, das que a metade eran arboredos, e entraron no parque natural Baixa Limia-Serra do Xurés. Dúas brigadas e un coche motobomba traballaron na zona e lograron controlar o perímetro do lume en pouco máis de catro horas.