HEMEROTECA | Foron subvencionados en 1990 polo Concello e a Xunta
03 dic 2019 . Actualizado ás 05:00 h.O cultivo da cereixa, tradicional na parroquia de Beade, viuse incrementado de forma importante a mediados dos anos oitenta cunha iniciativa veciñal para establecer plantacións colectivas, que eran subvencionadas polo Concello e a Xunta. En decembro de 1990 iniciábase a II semana cercedeira cunha plantación e distribución de cerdeiras.
Naquela ocasión era sete mil as árbores que, chegados do val do Jerte, foron plantados polos veciños nos hortos e o monte comunal. As cerdeiras recibidas o 3 de decembro eran de bravío, é dicir, non daban froito, pero cos enxertos precisos en dous anos estarían a dar cereixas. «Ademais dos que injertamos e tratamos para produción de cereixas -explicaba o presidente Celso Ribas- preto de dous mil árbores plantámolos no monte comunal e deixámolos crecer bravos. Estes en o futuro poderán ser utilizados para produción de madeira, xa que en Galicia é moi escasa».