Un veciño da Valenzá quéixase de que circulan coches a gran velocidade polo centro
BARBADÁS
O alcalde afirma que hai casos puntuais e sinala que estudarán a colocación de badenes de goma
07 mares 2024 . Actualizado ás 19:01 h.Un veciño da Valenzá, en Barbadás , presentou unha queixa ante o Concello pola velocidade á que pasan polo centro da localidade os coches, sobre todo pola avenida de Celanova. Eladio Pérez, que pide máis vixilancia, sinala que aínda que as carreiras adoitan suceder de noite ou en días festivos, nunha ocasión uno dos vehículos estivo a piques de atropelalo. «Dende hai uns dous anos, pero especialmente nos últimos seis meses, as rúas de A Valenzá son unha pista de ralis. Coches a escape libre e a toda velocidade fan carreiras, incluída na arteria principal, a avenida de Celanova, poñendo en perigo a seguridade e a tranquilidade dos veciños», denuncia. O veciño sinala que, en ocasións, os condutores fan carreiras entre eles e que non só se lles pode ver senón que se escoita de madrugada o ruído dos motores.
O alcalde de Barbadás, Xosé Carlos Valcárcel, sinala que aínda que si se detectaron coches a gran velocidade, estes son casos puntuais e non se pode falar de carreiras ilegais. Sinala que ao non suceder constantemente, é imposible identificar os condutores. «É verdade que esto sucede moitas veces máis das que queremos e pode crear inquedanza», afirma. A maiores, o alcalde sinala que estudarán a colocación de badenes de gomas para reducir a velocidade.