O sacerdote será enterrado en Portomourisco, en Petín
20 abr 2021 . Actualizado ás 13:34 h.Unha longa enfermidade apartoulle do seu traballo a cargo de varias parroquias en Vilamartín de Valdeorras, pero os veciños aínda lle lembran con cariño. O mesmo co que quixeron despedirlle no colexio Pablo VI da Rúa de Valdeorras, onde durante un curto período de tempo foi profesor de Lingua e Literatura. Este luns falecía en León Eladio Álvarez Álvarez. «Era un namorado da literatura, talvez por iso o señor escolleu o mes de abril, mes do libro, para levarllo xunto a el», din desde o Pablo VI nunha publicación na súa redes sociais. E engaden: «Ademais da tristeza, tamén nos deixa o abrazo atemporal das súas palabras para buscar consolo nelas porque, o sorriso e trato amable, foron sempre o seu aceno de identidade».
Álvarez era natural de Portomourisco, en Petín. Alí será enterrado esta tarde tras o funeral previsto para as 18.00 horas. Mentres, o seu corpo está a ser velado no tanatorio Canoto da Rúa. Mañá mércores, ás doce haberá unha misa na igrexa de Vilamartín no seu recordo. A capacidade é limitado debido á pandemia do coronavirus. O finado, de 78 anos, deixa dúas irmás: Amelia e Elena.