O SUP e a AUGC organizaron unha xornada en Ourense sobre saúde mental
01 may 2024 . Actualizado á 05:00 h.O sindicado SUP, de Policía Nacional, e a asociación AUGC, da Garda Civil, organizaron este martes en Ourense unha xornada de promoción da saúde mental e prevención do suicidio nos corpos policiais. Sanitarios do CHUO interviñeron nos relatorios, que se desenvolveron na aula de formación da comisaría provincial da cidade dAs Burgas. Medio centenar de participantes, entre os que se atopaban tamén funcionarios da Policía Local da cidade, tomaron parte na xornada formativa, que tamén foi seguida a través de streaming por outro centenar de alumnos que se atopaban noutras provincias do territorio nacional.
Tal e como destacou Antonio Pousa, secretario provincial do Sindicato Unificado de Policía en Ourense, o suicidio é un problema que preocupa entre os uniformados, polo que é necesario achegar ferramentas para frear a preocupante tendencia. Numerosas autoridades, entre elas o presidente do Parlamento de Galicia, Miguel Santalices, participaron en clausúraa desta xornada.
O presidente do Parlamento de Galicia, Miguel Santalices, foi o encargado de clausurar a xornada. «Trátase dunha prioridade para o conxunto da sociedade e tamén para os seus servidores». Pola súa banda, o director xeral de Emerxencias e Interior, SANTIAGO Villanueva, destacou a importancia da formación entre o persoal das forzas e corpos de seguridade e dos servizos de emerxencia fronte aos riscos psicosociais do seu labor.