Sen alegacións contra o plan único, que reparte xa 14 millóns aos concellos de Ourense
OURENSE
O goberno provincial comprometeuse a habilitar outros tres millóns para complementar o programa
25 mares 2024 . Actualizado ás 05:00 h.A última edición do Boletín Oficial da Provincia publicou a aprobación definitiva do programa único de repartición de fondos da Deputación de Ourense entre os concellos, o coñecido como Plan CooperOU. Ese era o único trámite que faltaba por completar para que os concellos ourensáns poidan recibir unha inxección de catorce millóns de euros.
Tras a aprobación inicial do programa no pleno da institución provincial, o documento expúxose ao público durante un mes, pero non se presentou ningunha alegación, polo que se considera definitivamente aprobado sen necesidade de volver debaterse en sesión plenaria. Polo tanto, os concellos poderán dispor xa das cantidades que lles corresponden e que están fixadas en función de criterios obxectivos de número de habitantes, núcleos de poboación, índice de envellecemento e superficie do municipio. Ademais, os concellos tiveron liberdade para elixir a que destinar eses fondos —obras, amortización de débeda ou gastos correntes— e o Boletín Oficial da Provincia reflexa en que decidiu investilos cada concello.
Outros tres millóns pronto
Cabe lembrar, por outra banda, o presidente da Deputación, Luis Menor, comprometeuse cos grupos da oposición a incrementar ata os 17 millóns a dotación económica total do plan único aproveitando a primeira modificación orzamentaria do ano, que se prevé debater no pleno de abril.