A protesta será o luns ás portas do edificio Cristal
03 feb 2024 . Actualizado ás 05:00 h.«Seguimos en loita», din as enfermeiras e as auxiliares da uci do CHUO tras a reunión coa dirección asistencial para denunciar carencias na nova unidade. Ademais, insisten en pedir unha mellora na cociente de persoal: con cinco enfermeiras por quenda na uci, o que supón unha por cada dous pacientes ingresados. Aseguran que son as recomendacións do Ministerio de Sanidade e é a cociente de persoal que cumpre o Hospital Lucus Augusti de Lugo. Piden tamén un reforzo de auxiliares na unidade de recuperación postanestésica cando cinco ou máis sexan polivalentes. Por todo iso convocaron unha concentración ás portas do edificio Cristal o luns ás doce.
Protesta pola falta de especialistas en Valdeorras
Pola súa banda, a xunta de persoal do Hospital Comarcal de Valdeorras convocou para o mércores unha protesta, no seu caso para denunciar o desmantelamento do centro e pedir que se cubran as prazas de especialista que están vacantes. A concentración será ás 20.00 horas ás portas do hospital do Barco.