Desembarco de conselleiros do PP na provincia de Ourense
29 ene 2024 . Actualizado á 05:00 h.Último domingo de precampaña na provincia de Ourense para o 18F e a xornada deixou a visita dos candidatos do PSOE a Celanova e de Sumar a Xinzo de Limia. José Ramón Gómez Besteiro fixo un chamamento á mobilización da Galicia interior a favor dun cambio de goberno encabezado polos socialistas. Besteiro interveu nun comida-mitin cun centenar de simpatizantes no que tamén participaron a cabeza de lista por Ourense, Carmen Rodríguez Dacosta, e o secretario provincial, Rafael Rodríguez Villarino.
Besteiro pediu o cambio cara un novo executivo para «aproveitar as oportunidades» e superar a etapa de gobernos do PP. Dacosta, pola súa banda, reivindicou a proposta de Besteiro para despregar un plan para o reequilibrio territorial da provincia de Ourense.
A xornada de precampaña do PP estivo marcada pola visita á provincia de dúas dos seus conselleiros. Román Rodríguez, titular de Cultura, visitou a igrexa de Santo Domingo (Ribadavia), mentres que a titular de Política Social, Fabiola García, que acudiu á sede da Federación Don Bosco.
A cabeza de lista do BNG, Noa Presas, anunciou unha rede pública de residencia de maiores. «Ourense é o exemplo de como non hai que facer as cousas e a partir do 18F comprometémonos a que a vellez sexa un dereito e non un negocio», sinalou.
A nacionalista avanzou un novo modelo de atención centrado nas persoas.