A Xunta dota con 13,2 millóns de euros o arranxo da OU-540 entre Celanova e Portugal
OURENSE / LA VOZ
OURENSE
O obxectivo dos traballos é reforzar a seguridade viaria
29 ene 2024 . Actualizado ás 19:42 h.O Consello da Xunta acordou destinar 13,2 millóns de euros ás obras de mellora e acondicionamento da OU-540, que une Celanova e Bande coa fronteira portuguesa. O obxectivo, afirman desde a Xunta, é reforzar a seguridade viaria nunha vía prioritaria polo seu papel para a vertebración do interior de Galicia e para impulsar a competitividade no sur da provincia. As obras incluirán actuacións en 42 quilómetros da vía ao seu paso polos concellos de Celanova , Verea, Bande, Lobeira, Muíños, Entrimo e Lobios, así como polo parque natural da Serra do Xurés.
Os traballos previstos na OU-540 consistirán principalmente na rectificación de curvas, a mellora das interseccións e a dotación de terceiros carrís.