![Carrera para recaudar fondos para la investigación del cáncer de páncreas celebrada en Vilamartín de Valdeorras en noviembre del 2019](https://img.lavdg.com/sc/XdKETCJkUbWuUiKShfWqpWeUY-A=/480x/2021/11/19/00121637310602862239845/Foto/O24N9039.jpg)
Hai máis de 900 rexistrados na cita solidaria do domingo en Vilamartín de Valdeorras
28 oct 2023 . Actualizado á 05:00 h.Máis de 970 persoas están inscritas na andaina e carreira contra o cancro de páncreas que se celebra mañá en Vilamartín de Valdeorras. Pero poderían ser máis, porque ás 9.00 horas do domingo abrirase a posibilidade de apuntarse para os que non o fixesen no prazo inicial, que se pechou o martes.
A saída será ás dez da mañá desde o pavillón de Ou Bañadoiro. Serán 14 quilómetros de carreira, mentres que a andaina ten dous percorridos: un curto de seis e outro longo de 12 quilómetros. O prezo da inscrición é de 12 euros (6 os menores de 16 anos). Todo o diñeiro recadado destinarase a sufragar bolsas en investigación de cancro de páncreas. E iso é posible grazas ao traballo de voluntarios e empresas colaboradoras, entre as que está Iberdrola, que un ano máis patrocina a carreira de Vilamartín.