Finalizan as obras das sendas peonís previstas na área metropolitana da capital
OURENSE
Os itinerarios pasan polos concellos do Pereiro de Aguiar, San Cibrao das Viñas e Paderne de Allariz
18 oct 2023 . Actualizado ás 05:00 h.A conselleira de Infraestruturas e Mobilidade, Ethel Vázquez, supervisou o resultado das obras dos novos itinerarios de uso peonil executados na marxe esquerda da OU-101 ao seu paso polo Pereiro de Aguiar, Paderne de Allariz e San Cibrao das Viñas. En total, construíronse 2,8 quilómetros de senllas en zonas que carecían de espazo para o tránsito de peóns nas que se conseguiu unha mellora da seguridade nos desprazamentos a pé. O itinerario da Medorra, que transita polos tres concellos, comeza ao pasar o cruzamento co regacho de Pazos e transcorre ao longo do Parque Tecnolóxico de Galicia ata chegar a Paderne de Allariz. O que parte deste último concello iníciase no núcleo de Cascarreira, onde finalizan as beirarrúas que había, e continúa ata as proximidades do Paiseo. Ethel Vázquez explicou que as obras da gran senda que cruzará a capital comezará a finais deste mes.