A obra «Run baby run», que aborda a discriminación de xénero no deporte, poderá gozarse en Santiago ata o domingo
06 oct 2023 . Actualizado ás 05:00 h.O Salón Teatro do Centro Dramático Galego, en Santiago, acolle este venres a estrea da obra «Run baby run», unha peza escrita pola valdeorresa Fátima Delgado. Este novo proxecto do CDG poderá gozarse en Compostela tamén o sábado e o domingo. Os dous primeiros días, a sesión será ás 20.00 horas e o terceiro é ás 18.00 horas.
Na obra, Fátima Delgado plasma unha das súas preocupacións, tanto no persoal como no político, que é a reflexión sobre a discriminación de xénero dentro do deporte feminino. O papel do personaxe principal, unha atleta, está interpretado por Alba Loureiro e o da súa adestradora por Camila Bossa. Completan o elenco Celina Fernández e Daniel Méndez.
As entradas poden comprarse na web de Ataquilla e o seu prezo é a partir de 5 euros. Daquela a obra estará na sala Margarita Xirgú do Teatro Español do 22 de febreiro ao 24 de marzo do 2024.