A alcaldesa, Uxia Oviedo, se reunión co secretario xeral do PSdeG
06 oct 2023 . Actualizado á 05:00 h.O secretario xeral do PSdeG, Valentín G. Formoso, reclamou á Xunta que actúe e implíquese na recuperación e posta en valor do castelo de Maceda para que sirva como dinamizador da actividade turística no municipio.
O líder dos socialistas galegos acudiu á vila para coñecer de primeira man as demandas do goberno local, encabezado pola socialista Uxía Oviedo. «A rexente local representa esa forza que está a pelexar para sacar potencial no rural cos seus proxectos que se basean no mantemento dos servizos públicos, a economía e o emprego», dixo Formoso sobre Oviedo.
A alcaldesa deu un paseo pola vila ao secretario xeral do PSdeG, para mostrarlle os principais puntos de interese e trasladoulle as reclamacións dos veciños. Estiveron acompañados do secretario provincial e senador, Rafael Rodríguez Villarino; da deputada no Congreso, Marga Martín; da deputada no Parlamento de Galicia, Carmen Dacosta; e da secretaria local de Ourense, Natalia González Benéitez, así como do resto de membros do goberno e varios militantes da agrupación local.
«O Castelo de Maceda é un edificio municipal, pero necesitamos respaldo doutras administracións que nos axuden a poñelo o mellor posible para poder explotalo dende o punto de vista turístico», dixo a rexedora.