O PSOE acusa a Baltar de ir de copiloto nunha multa na que non se identificou ao condutor
OURENSE
O goberno provincial do PP negou veracidade ao contido dos audios do irmán do presidente popular
03 jun 2023 . Actualizado á 05:00 h.A Deputación de Ourense celebrou este venres un pleno extraordinario solicitado polo PSOE a raíz duns audios dos que informou no diario Público nos que escoita ao irmán do presidente, José Luis Baltar Blanco, falar de supostas irregularidades na xestión da institución provincial. A petición de dimisión do grupo socialista, que contou co apoio do BNG, foi desestimada cos votos maioritarios do goberno popular e ante a ausencia dos dous deputados de Democracia Ourensá, Gonzalo Pérez Jácome e Armando Ojea. O PP negou veracidade ás conversacións publicadas. Ademais, os socialistas acusaron a Baltar de ir de copiloto nunha multa na que non se identificou ao condutor.
Tras o pleno, o secretario provincial do PSOE insistiu en que os resultados do 28M permitirían forzar a substitución do actual presidente da Deputación ourensá. «Todo o mundo sabe que aritméticamente é posible e nós confiamos que politicamente tamén. Pero bo, é un proceso que a executiva galega pilota e que nós respectamos», explicou Rafael Rodríguez Villarino, que asegurou que non se sentía desautorizado tras a decisión da executiva do PSdeG de vetar as negociacións con Gonzalo Pérez Jácome que el pretendía establecer.