Medios aéreos incorporáronse á extinción do lume, que entrou o luns pola tarde desde Portugal
07 feb 2023 . Actualizado ás 16:13 h.Un novo incendio forestal, o terceiro nos últimos días, está a afectar ao parque natural do Xurés, na comarca de Baixa Limia. Nesta ocasión, as chamas localízanse en a parroquia de Prado de Limia, no municipio de Muíños . Segundo informou a Consellería de Medio Rural, o lume entrou na tarde do luns desde Portugal con dous focos nun primeiro momento e nesta mañá de martes afectan xa a 100 hectáreas, o que o converte no incendio máis grave desde que comezou o 2023.
Para colaborar na extinción traballan xa sobre a zona medios aéreos, aos que se suman numerosos vehículos motobomba, axentes forestais e brigadas de terra.