José Manuel Baltar reuniuse con Carmen Leyte
11 abr 2022 . Actualizado á 05:00 h.O presidente da Deputación, José Manuel Baltar, ratificou a colaboración que a institución provincial mantén coa Fundación Carlos Velo para a promoción de Ourense no mundo audiovisual. Así llo trasladou á presidenta da fundación, Carmen Leyte, coa que mantivo un encontro para facer balance da incorporación da Deputación ao padroado no 2020.
Baltar informou a Leyte que a institución provincial seguirá colaborando no funcionamento da fundación, ademais de contribuír na recuperación da casa de Carlos Velo en Cartelle como sede da entidade e, sobre todo, manterá a súa alianza na organización do Festival de Cine de Ourense «desde o coñecemento, a traxectoria e o compromiso co cinema como arte». O presidente da Deputación de Ourense expresou a súa «recoñecemento e admiración» polo traballo que desenvolve Carmen Leyte e toda a directiva da fundación para manter viva a memoria do cineasta ourensán Carlos Velo.