![Las obras de la autovía quedaron paradas en la frontera con Lugo en Vilamarín (en la imagen)](https://img.lavdg.com/sc/EWRn9XbcDWfIbBvhqH_npHy8OZk=/480x/2021/08/08/00121628426881543759938/Foto/OG9C1F2_14468.jpg)
«A construción da A-56 é fundamental para a vertebración do interior do país», di o deputado ourensán Iago Tabarés
18 mar 2022 . Actualizado á 12:39 h.O deputado ourensán do BNG, Iago Tabarés, defenderá no Parlamento de Galicia unha proposición non de lei para instar á Xunta a porse en contacto co Goberno central para esixir a execución da autovía entre Lugo e Ourense. «A construción da A-56 é fundamental para a vertebración do interior do país», di o representante da organización nacionalista.
O BNG fai fincapé na necesidade de executar os tramos Ourense-Cambeo e Cambeo-San Martiño. «Trala entrada en servizo do treito de menos de 10 quilómetros entre San Martiño e o enlace norte de A Barrela, non hai avances significativos, nin previsión deles, no trazado do vial, básico para o desenvolvemento económico e social do interior de Galicia», di Tabarés.