Os falecidos tiñan entre 58 e 94 anos
28 ene 2021 . Actualizado ás 22:06 h.A pandemia suma sete novas vítimas en Ourense, de idades comprendidas entre os 58 e os 94 anos. Todos tiñan patoloxías de base, pero tamén estaban diagnosticadas de coronavirus cando faleceron. Cinco dos óbitos notificados este xoves ocorreron no CHUO, aínda que unha muller, de 94 anos, foi trasladada ao hospital coa infección desde a vivenda comunitaria de Vilar de Santos. No hospital ourensán morreron unha muller de 89 anos, outra de 91, ademais dun home de 58 anos e outro de 88. No hospital de Verín produciuse a morte dun home de 88 anos que chegou desde a residencia Santa María da localidade.
Tamén se notificou este xoves, tras comprobar Saúde Pública que tiña coronavirus, a morte dun home de Cartelle, que faleceu no seu domicilio o 19 de xaneiro. En total, Sanidade informou da morte de trinta persoas en Galicia este 28 de xaneiro aínda que algunhas eran de datas anteriores tras confirmar a súa relación coa epidemia.