Javier Guillén, director da proba, ratificou o acordo coa Deputación
29 novs 2019 . Actualizado ás 05:00 h.A Volta Ciclista a España volverá ter a Ourense presente na súa próxima edición de 2020. O director da proba, Javier Guillén, reuniuse co presidente da Deputación ourensá para confirmar o acordo ao que chegaran datas atrás. Onte non informaron nin do percorrido nin das etapas que discorrerán pola provincia, nin tampouco o custo que lle suporá á institución. Guillén resaltou a «excelente relación da Volta coa Deputación de Ourense». Dixo que, proba diso, era que «sempre que esta proba ten ocasión de vir a Galicia, unha das paradas obrigatorias é a provincia de Ourense». Ademais, aclarou que a presentación da Volta de 2020 será o 17 de decembro. «Somos uns namorados da Ribeira Sacra e sempre que poidamos REVISAR trataremos de situalas no percorrido, colaborando na promoción deste territorio, que ten gran atractivo turístico», declarou.