Alboroto no Congreso. Disputa e «mala educación». Insultos, rifa e «vergoña» nunha cámara que debe ser exemplar, aínda que se vote unha lei tan polémica e difícil de apoiar como a amnistía. Pero non foi así. A Pisarello, de Sumar, chamáronlle os desaforados de Vox «sudaca» e «tucumano», nunha curiosa mostra de xenofobia facilmente substituíble que acaparou minutos nos telexornais e causou estupor nas redes e tamén na Arxentina. Por que? Porque saíron da boca dos mesmos que acirraban ao bonaerense Milei no xa famoso aquelarre ultras de Vista Alegre.
Paradoxos do noso tempo, os que reparten carnés de patriotismo e ameazan con racharse as vestiduras «por España» son os primeiros que se axeonllan ante os líderes estranxeiros máis furibundos co noso país e ponse outras camisetas nacionais. Testemúñano as coñecidas imaxes co «león» da motosierra e a obscena foto desta semana de Abascal con Netanyahu.
O contexto importa. Sempre. O encontro co líder israelí produciuse tras un masacre de nenos palestinos en Rafah. Que quixo demostrar apuntándose, como dixo con ironía Rufián, «a ese bombardeo»? Un, parecer un falcón en política internacional, máis duro que o mesmo Aznar. Dous, porse a roda de Meloni e Le Pen. E tres, querendo ou sen querer, axudar a Pedro Sánchez.