A elaboración do Plan de prevención e defensa contra os incendios forestais de Galicia (Pladiga) obedece, fundamentalmente, ao disposto na Lei 3/2007, de 9 de abril sobre a materia. Que sufriu unha importante modificación o 28 de decembro do 2017. Dita lei sinala que o medio rural galego constitúe un patrimonio esencial para o desenvolvemento sostible dun país, especialmente en Galicia, onde os terreos de monte constitúen máis do 65 % da súa superficie e onde integrados con eles hai 315 municipios con 31.500 núcleos de poboación, máis do 90 % dos mesmas cunha poboación inferior aos 500 habitantes.
As causas que orixinan os lumes forestais son de diversa índole: unha parte está relacionada coa situación de abandono e progresivo despoboamento que ao longo dos últimos decenios ha vindo producíndose no espazo rural galego.
A Xunta aprobou a semana pasada o Pladiga 2023, que contempla unha nova clasificación dos tipos de lume (a, b e c) cos seus respectivos modos de atacar as chamas, xunto cun «obxectivo estatístico» de que a superficie arrasada sexa inferior a 19.761.82 hectáreas. Contará cun investimento de case 200 millóns de euros e, en total, duns 7.000 efectivos propios e doutras Administracións, como as locais e do Estado.
Inditex é a primeira empresa en sumarse ao fondo da Xunta para previr os incendios. Destinou 9 millóns de euros a un proxecto do que se beneficiarán ata 118.000 persoas en 26 concellos. A iniciativa terá unha duración de tres anos. Ante estas disposicións contidas no Pladiga e as achegas de certas entidades, como é o caso de Inditex, é de sinalar o incumprimento das medidas decretadas contra os incendios forestais polas entidades públicas e moi especialmente polas corporacións locais, o cal leva consigo a importante consecuencia da non cesación dos incendios forestais co consecuente perigo para os habitantes de casas situadas en lugares próximos aos montes galegos.