De acordo con Mapping Police Violence, encargada de dar seguimento aos excesos e brutalidade das forzas policiais na Unión Americana, os negros son máis susceptibles de ser asasinados pola policía estadounidense. No 2019 a policía norteamericana matou a 1.099 persoas, fundamentalmente ensañándose coas de raza negra. En oito cidades existe unha maior propensión a excederse polas forzas policiais: Reno, Oklahoma, Santa Anna, Anaheim, San Louis, Scottsdale, Hialeah e Madison. A súa taxa de homicidios perpetrados por membros das forzas da orde contra persoas de raza negra sitúase por amais da media do país, que no 2018 foi de 5 asasinatos por cada 100.000 habitantes. O proxecto TheCounted , do xornal británico TheGuardian , denuncia que desde o 2015 duplicáronse as mortes de negros perpetradas por axentes da lei. Implica que os asasinatos policiais por millón de habitantes a nivel nacional correspóndense con 7,27 persoas afroamericanas mortas, ás que seguirían as brutalidades cometidas contra os hispanos, con 3,51 mortes por cada millón de habitantes.
O analista de Mauldin Economics, Patrick Watson fala dun problema endémico racial nos Estados Unidos, onde se vive baixo presión. A maioría da sociedade norteamericana é pacífica e tolerante. Boa parte dela teme falar abertamente cos seguidores de Trump, que aínda que non é o culpable das problemas raciais nos Estados Unidos si contribuíu a recrualos coa súa linguaxe, mensaxes e actitudes.
Retrocedemos como sociedade global nos nosos dereitos e valores ao atacar á liberdade de expresión, á prensa e aos inmigrantes? En opinión do analista norteamericano, Trump e os seus seguidores idealizan unha visión da sociedade de 1950 que nunca existiu. Nela os homes brancos prosperaban e tiñan ás minorías baixo control
Como recolle Watson, en pleno ano 2020, a liberdade está a ser gravemente ameazada polos populismos, as ideoloxías extremistas e tamén por líderes demagogos como Trump, Bolsonaro, Orban e outros que usan «a súa poder para dividir e conquistar».
Nestes momentos, o resultado electoral para as presidenciais do 3 de novembro está no aire, cunha cidadanía gravemente afectada polo paso da pandemia do coronavirus, a caída da economía, a destrución do emprego e a ira de millóns de persoas que saíron a protestar contra a brutalidade policial norteamericana usando a George Floyd como a punta visible dese clamor. Detrás del, lamentablemente, houbo centos de asasinatos polos que o mundo clama xustiza racial.