![](https://img.lavdg.com/sc/bM8C1QI8C8EHnY0K5Waih1xvYrg=/480x/2023/06/15/00121686853981801754717/Foto/i13j3087.jpg)
Val Miñor-Racing de Ferrol e Quirinal-Cuatrovientos abren esta tarde o torneo na Senra
16 jun 2023 . Actualizado á 05:00 h.Trinta e dous equipos inician esta tarde a terceira edición da Copa Ribadumia-Clae Viaxes Sub 14 (infantil). Val Miñor-Racing de Ferrol e Quirinal-Cuatrovientos son, desde as 17 horas, os dous primeiros partidos que darán paso a algo máis de 48 frenéticas horas antes de poder coñecer ao campión do torneo, que sairá da final programada par o domingo ás 17.30 horas.
A Copa Ribadumia dispútase nos dous campos, natural e sintético, do complexo deportivo da Senra, cos 32 equipos divididos de saída nunha primeira fase de liguiña en media ducia de grupos, coas súas correspondente cabezas de serie: Cádiz CF (Grupo A), Shelbourne FC (Grupo B), Vilarreal CF (C), FC Porto (D), Celta (E) e Dépor (F). O FC Ichikawa Gunners xaponés súmase ao Shelbourne irlandés desde fóra da Península Ibérica.