O Racing pon á venda nas súas oficinas entradas para o choque en Valdebebas
OPA RACING
As localidades para o Alfredo di Estéfano véndense a 19 euros
17 ene 2023 . Actualizado á 20:09 h.O Racing, a través das súas redes sociais, explicou como será a venda de entradas para o encontro da xornada 20, o sábado 21, no estadio Alfredo di Stefano ás 17 horas, onde se enfrontarán o Real Madrid Castela e o Racing de Ferrol.
Explica que as entradas estarán á venda en oficinas do club ferrolán, no estadio da Malata. Para adquirir unha localidade haberá que presentar o DNI (cada entrada un DNI ) e unha dirección de email (unha dirección pode ser válida para varias entradas). A forma de pago será en metálico ou con cartón.
Para os afeccionados de fóra de Ferrol, desde o club ferrolán indican que se debe contactar coa dirección de mail info@racingclubferrol.net, solicitando o numero de entradas e facilitando os datos de nome e DNI. Esta forma de venda só admitirá o pago por transferencia bancaria. Prezo: entrada única 19 euros. A data limite para ambos os casos o venres día 20 ás doce da mañá.
Desde o club advirten que: «As entradas serán dixitais e non son PDF, non se poden imprimir, nin facer pantallazos, unicamente poderase acceder á cidade deportiva do Real Madrid coa entrada descargada nas apps Wallet/Carteira-iPhone ou PassWallet-Android, sen que poidan ser impresas. As entradas serán limitadas en numero e a orde de adquisición será a orde de chegada.
Todos os interesados nunha maior información poden dirixirse ao club no teléfono número 981.323300.
En Madrid hai moitos afeccionados do Racing, algúns agrupados na Pena Enxebre, polo que seguro que o equipo terá apoio desde a bancada.