A Banda e a Minibanda: Vilalba celebra a festa de Santa Icía pensando no futuro
VILALBA
A formación creada en realízaa o sábado a súa presentación
22 novs 2022 . Actualizado ás 19:33 h.Vilalba ten unha banda e tamén unha minibanda, formada sobre todo por xente de pouca idade. O futuro da música na capital chairega parece, pois, asegurado. O sábado (Auditorio Municipal, 20 horas) celebrarase a festa de Santa Icía, na que ambas as formacións estarán presentes.
A Banda de Música de Vilalba , formada a comezos dos noventa, supón a continuidade dunha fértil tradición da vila. A súa presenza nas festas de Vilalba é habitual, e precisamente un dos actos habituais do San Ramón adoita ser o festival de bandas, no que a local actúa acompañada doutras.
A Minibanda ten unha historia máis recente. A súa creación é unha iniciativa da Escola de Música de Vilalba (Esmuvi), que leva uns anos de actividade. O concerto do sábado será en certo xeito a presentación oficial, tras unha actuación nas festas patronais deste ano. Uns 20 músicos de idades variadas (hainos de sete ou oito anos e tamén de máis de 60) están presentes na Minibanda.
O director de , EsmuviBaruk Domínguez, explica que a nova agrupación axuda a cubrir un oco. Noutras poboacións hai bandas infantís, algo do que carece Vilalba. A Minibanda suple esa ausencia, aínda que se descartou chamarlle infantil porque algúns integrantes son adultos.
Entre a Minibanda e a Banda non hai ningún rozamento ou problema e si, en cambio, puntos de encontro e de acordo. Proba diso é que unha nena que toca na Minibanda xa debutará tamén o sábado coa Banda de Música. O que se busca para os ensaios e as actuacións é, di Domínguez, un repertorio «con cousas sinxelas, que resulten doadas de tocar e que sexan agradables para os nenos».
A actividade de e Esmuvi da Minibanda nótase mesmo no Conservatorio de Vilalba, como explica Domínguez. En anos pasados había escaseza de alumnos que se interesasen por instrumentos de vento madeira e de vento metal, e agora, co traballo da Escola de Música e da Minibanda, investiuse a tendencia.
