A Fundación María José Jove facilitaralles un computador e lentes de realida virtual durante tres semanas
04 dic 2023 . Actualizado ás 18:14 h.Dúas escolas da comarca de Sarria foron seleccionadas para participar no programa «O MUV na escola rural», que brindará aos alumnos a oportunidade de visitar un museo virtual desde a aula. A Fundación María José Jove levará esta iniciativa a oito colexios de Galicia, sendo os do Páramo e Paradela os únicos de Lugo.
O Plurilingüe San Miguel de Paradela e o CEIP do Páramo serán partícipes de o programa para fomentar a accesibilidade á cultura dos menores do rural galego, concretamente da arte contemporáneo. A Fundació trasladará fisicamente o seu Museo Virtual a estes dous centros, para contribuír a eliminar os obstáculos aos que se enfrontan a diario para poder achegar a cultura aos alumnos.
«O MUV na escola rural» desenvolverase de xaneiro a xuño de 2024 e estará en cada escola tres meses. Habilitará no centro educativo un espazo con computador e lentes de realidade virtual, que os docentes e alumnos poderán visitar e implementar nos recursos para a formación impartida.
O acceso á arte contemporánea foméntase desde a introdución das novas tecnoloxías nas aulas e de ferramentas interactivas. «Perséguese potenciar o pensamento artístico, fomentar a conciencia ambiental e utilizar as prácticas artísticas como ferramentas transversais dos centros educativos», explican desde a Fundación.
O colexio de Paradela conta actualmente con 48 alumnos e o do Páramo ten 45. O programa aplicarase no segundo ciclo de Educación Infantil e no primeiro ciclo de Primaria.