Haberá tres premios para as agrupacións ou comparsas que máis animen o centro histórico da cidade
05 feb 2024 . Actualizado ás 11:29 h.Lugo Monumental repartirá mil euros en varios premios para a mellor animación de rúa no Entroido. A asociación convocou o X Premio Lugo Monumental de Animación de Rúa, que terá lugar entre os días 9 e 13, coa colaboración dos locais do centro histórico.
Como todos os anos, este premio está pensado para atraer ao centro ás cuadrillas que celebran o Entroido e que enchen as rúas do colorido, a música e a irreverencia propia destas datas.
Tal e como recollen as bases, entenderase por «animación» calquera actividade que as agrupacións participantes consideren oportuna (música, teatro, marionetas, monólogos, maxia, xogos infantís...) e que contribúa a crear diversión e ambiente rueiro no centro histórico de Lugo. Poderanse ter en conta as mellores cancións, disfraces ou presentacións, pero o que máis pesará será a animación creada nas rúas do centro.
Repartiranse tres premios: o primeiro, con 12 vales de 50 euros, por un total de 600 euros; o segundo, con 6 vales, por un total de 300 euros; e o terceiro, con 2 vales, por un importe total de 100 euros. Os vales poderanse trocar nas case 150 empresas asociadas a Lugo Monumental.
Para inscribirse, de xeito gratuíto, haberá que enviar un correo electrónico a asociacion\