O Concello organiza un programa de actividades lúdicas, un día por semana, para convivencia entre mozas e maiores
12 mares 2024 . Actualizado ás 18:13 h.É mércores? Pois en Guitiriz ... a xogar. Esa é a intención dos Xogos da Primavera, que organiza o Concello e que chegan á terceira edición. Trátase dunha iniciativa xurdida no 2022 para potenciar, un día por semana, a convivencia e a relación entre a poboación máis nova e a de máis idade. Este mércores (Escola Habaneira, catro e media da tarde) celébrase a primeira sesión: en primeiro lugar ten lugar unha recepción, seguida de adestramento dos participantes, e ás cinco comeza a competición.
Na primeira sesión disputarase a Copa Xogo da Rá, que chega á segunda edición e na que se admite un máximo de 20 persoas. Os tres primeiros clasificados terán un premio. Non será a única competición, posto que tamén se xogará á mariola, á corda ou á peonza, ademais de poder gozar de xogos de mesa.
Ademais de impulsar o intercambio intergeneracional, o propósito do Concello de Guitiriz é divulgar os xogos de antes, procurando tamén que os xogos de agora axuden a facilitar o contacto entre mozos e adultos.