Novos fisios no Río Breogán

Un bo equipo non só se fai con bos xogadores, senón que tamén é necesario contar con técnicos e con outros profesionais con talento. E no Río Breogán téñeno claro. Non escatiman recursos para que a engrenaxe funcione á perfección.

Así, o club que preside Carmen Lence anunciou este mércores a contratación de dous novos fisioterapeutas: Mauro Nogueira e Adrián Callejo. Trátase de dous eminencias neste apartado, que, sen dúbida, achegarán un plus ao equipo lucense.

Nogueira, fisioterapeuta especializado no ámbito deportivo, conta con experiencia en baloncesto e fútbol de alto nivel. Desde o ano 2021 colabora coa Federação Portuguesa de Basquetbol, participando en campionatos europeos internacionais en distintas categorías de formación.

Tamén traballou en institucións como ArteFisio, Gdessa e a Federação Portuguesa de Tenis, ademais de coordinar a área de fisioterapia do fútbol de formación no histórico Vitoria Futebol Clube de Portugal.

Pola súa banda, Adrián Callejo, fisioterapeuta con experiencia no Lugo Sala e no Centro de Fisioterapia Benestar, participou en eventos como o campus Álex Llorca e realizou prácticas en hospitais e clínicas de referencia en Galicia.

Conta con ampla formación en técnicas como punción seca, electropunción, exercicio terapéutico e terapia manual, e cursa o Posgrao en Fisioterapia Invasiva Avanzada.

Ademais, posúe licenza federativa do Comité Galego de Árbitros e exerce como oficial de mesa en competicións FEB, o que reforza a súa estreita vinculación co baloncesto.

Por outra banda, este mércores o director deportivo del Río Breogán, Tito Díaz, mantivo reunións cos técnicos para ir perfilando unha pretemporada que arrinca o vindeiro luns ás dez da mañá nas instalacións do Pazo.

Xa van chegando os xogadores, que estes días iranse sometendo ás correspondentes probas médicas ante de comezar co traballo de pista ás ordes do adestrador, Luis Casimiro. Son doce xogadores, sei renovados e seis incorporacións.

---

---

---