A Asociación Española contra o Cancro en Lugo organiza a sexta edición da súa marcha a través dunha camiñada e dunha carreira para adultos e nenos pola Muralla
26 mar 2025 . Actualizado á 12:15 h.A Asociación Española contra o Cancro en Lugo organiza a sexta edición da súa marcha contra esta enfermidade, que este ano se celebrará o vindeiro sábado 12 de abril. A iniciativa ofrece dúas modalidades de participación: unha camiñada que comezará ás seis da tarde polo Adarve e unha carreira de cinco quilómetros para adultos e outra para nenos , que será ás sete. Ambas as terán como punto de inicio e de meta a Praza Horta do Seminario.
As inscricións xa están abertas e poden facerse desde a web lugocontraocancro.es ou de xeito presencial, na sede da Asociación, en Carril dos Loureiros 17, 27002. Con esta proposta a AECC pretende concienciar sobre a a importancia dun estilo de vida saudable para a prevención do cancro, baseado nunha alimentación adecuada e na práctica de exercicio físico.
A recogida de dorsais e camisetas será o venres 11 de abril de 16.00 a 19.30 horas e o sábado 12 de abril de 11.00 a 13.00 horas na sede do colectivo, e tamén o sábado pola tarde a partir das 15.00 horas na Horta do Seminario. Os prezos das inscricións varían segundo a categoría. A participación dos menores custará cinco euros, e a carreira para adultos, dez. No caso da camiñada, que é para todas as idades, o prezo será de cinco euros para nenos e de dez para adultos.
Ademais, para aquelas persoa que queiran axudar pero non participar, ofrecen a posibilidade do dorsal cero, unha inscrición solidaria. Todo o recadado destinarase a seguir mellorando a vida dos pacientes e familiares e a impulsar a investigación oncolóxica, co obxectivo de conseguir un 70% de supervivencia no 2030.