Os novos médicos forman parte dunha cobertura en consultorios e en hospitais de Galicia
07 mar 2024 . Actualizado á 14:37 h.Dous municipios da provincia, Vilalba e Monterroso, contarán proximamente con novos pediatras. Dous incorporaranse ao centro médico da capital chairega, e un, ao da localidade da Ulloa. A incorporación deses novos profesionais forma parte dunha cobertura que se reforza en consultorios de atención primaria e en hospitais de Galicia. Ese aumento do persoal de sanidade supón 58 novos médicos en centros de saúde de toda a comunidade ademais doutros doce en centros hospitalarios.
Os novos médicos pasarán a ser persoal fixo do Servizo Galego de Saúde, segundo explicacións da Consellería de Sanidade. A súa incorporación non se produciu por oposición senón por concurso de méritos. O prazo para pedir destinos profesionais pechouse o pasado 20 de febreiro. Aínda que se asignaron 58 novas prazas de pediatra, quedaron dúas vacantes, que se cubrirán, segundo prevé Sanidade, nunha segunda volta.
A noticia xerou unha reacción positiva en Vilalba. O PP sostén que se trata dun anuncio favorable, esperado desde hai tempo, e acusa ao PSOE e ao BNG de ofrecer soamente críticas ante situacións de falta de persoal médico, mentres a Xunta, di, se esfuerza en achar solucións. Tamén houbo unha versión crítica, a do PSOE: os socialistas aseguran que os encomios do PP local só buscan maquillar a imaxe da Consellería de Sanidade nunha etapa de carencias no ambulatorio local, e denuncia que hai prazas vacantes en Atención Primaria por baixas ou por xubilacións.