Coincidirá, unha vez máis, coa Volta Aérea a Galicia
15 jun 2022 . Actualizado ás 12:55 h.A edición número quince do Critérium Aeronáutico de Galicia Rozas celebrarase no aeródromo de Rozas, en Castro de Rei, entre o 22 e o 24 de xullo, datas nas que se disputará, ademais, a Volta Aérea a Galicia, que acada a súa edición número 37.
O Critérium está considerado un dos eventos aéreos máis importantes do panorama estatal e o seu obxectivo é achegar o mundo aeronáutico a todo aquel que estea interesado. Para iso, inclúe diferentes actividades como poden ser paracaidismo, para a que é imprescindible reserva praza, voos de introdución, avións acrobáticos ou un simulador de voo. Ademais, tamén contará con exposicións de aeronaves históricas, actuais, institucionais ou drones.
A Volta, outro referente
En canto á Volta, consiste nun rali aéreo galaico-portugués no que todos os pilotos que o desexen poderán participar aos mandos dos seus avións. Esta proba está incluída no calendario deportivo deste ano da Real Federación Aeronáutica Española.
Para inscribirse ou pedir información sobre algunha das iniciativas da cita de Rozas, o Real Aeroclub de Lugo, que é o responsable da organización do Critérium, ten dispoñible unha dirección de correo electrónico (criteriumaeronautico\
