Cumpre tres anos e é ou máis novo dous certames deste tipo na Ribeira Sacra
17 may 2025 . Actualizado á 05:00 h.A terceira edición de Raizames, Encontro da Cultura da Ribeira Sacra celebrarase en Taboada a última fin de semana de maio. Entre o venres 23 e o domingo 25, esta localidade será escenario dun amplo abano de convocatorias que pretenden contar a súa realidade actual e a súa historia a través do viño.
Representantes de asociacion local de comerciantes e industriais Acimta, a organizadora de Raizames, do Concello de Taboada, da Deputación e da Xunta participaron este venres na presentación oficial da edición deste ano do máis novo dos certames dedicados ao viño no territorio da Ribeira Sacra. Os organizadores recordaron que Raizames naceu no 2023 coa vontade de contra Taboada a través do viño. «O viño falando da súa terra, da historia do territorio, da paisaxe e das mans que dende séculos e aínda hoxe, traballan as viñas», resumiu Noa López, a produtora do certame.
No acto, que rematou cun brinde con vió de Taboada, interviron Miguel Pavón, o presidente de Acimta, Javier Vázquez Noda, director territorial da Consellería de Presidencia en Lugo, Pilar Carcía Porto, responsable de Promoción do Territorio e Turismo da Deputación de Lugo, Efrén Castro, vicepresidente da Deputación de Lugo, Manuel Diéguez, concelleiro de Cultura de Taboada, e o alcalde, Roi Rigueira.
A programación de Raizames 2025
Venres, 23 de maio
- 18.30h. Inauguración.
- 19.00h. Apertura da instalación fotográfica «Retrátate». Praza de Riazón
- 20.00h. Proxección do documental «Taboada de Ribeira a Ribeira», de David Pinancho. Auditorio do cuartel
- 21.00h. Cata guiada. Casa da Cultura
Sábado, 24 de maio
- 10.00h a 13.00h. Roteiro
- 12.00h a 16.00h. Degustación de viños da Ribeira Sacra. Pz.Riazón
- 14.00h. Concerto Medirea
- 17.00h. Debate «O viño, con nome de muller». Pz. de Riazón
- 18.30h. Espazo infantil e familiar «A viticultura a través dos sentidos». Praza de Riazón)
- 19.00h a 23.00h. Degustación de viños da Ribeira Sacra. Riazón
- 21.30h. Concerto, Andhrea and the Black Cats. Pz. Riazón)
- 23.00h. Queima dunha facha
Domingo, 25 de maio
- 11.00h. Debate «O viño, embaixador do territorio». Pazo de Bembibre
- De 12.00h a 16.00h. Degustación de viños da Ribeira Sacra
- 15.30h. Brinde de peche do encontro. praza de Riazón
14.00h. Concerto, O Coro da Rá Praza de Riazón