Un centenar de corredores participaron o domingo na segunda edición do Día dá Bicicleta en Quiroga. Familias enteiras quixeron gozar dunha xornada deportiva e de convivencia, na que o tempo acompañou. Ás doce do mediodía partiu da Praza de España de Quiroga o pelotón de corredores, que no entanto, antes de saír recibiron o saúdo do alcalde, Julio Álvarez, que lles agradeceu a súa participación e desexoulles un bo percorrido.
O primeiro corredor en tomar a saída foi o concelleiro de Deportes, Andrés Nóvoa, que predicou co exemplo. Se enfundó a súa camisola e acompañou aos participantes nun percorrido de nove quilómetros. Os ciclistas partiron de Quiroga en dirección a Ribas do Sil. Pasaron pola praia fluvial de San Clodio e regresaron de novo ao momento de partida polo paseo de Quiroga. Finalizaron na Praza de España. Aquí procedeuse ao sorteo de dúas bicicletas e de máis de trinta produtos relacionados co mundo do ciclismo.
Os participantes gozaron da xornada festiva e xa se citaron para o próximo ano. O concelleiro de Deportes, Andrés Nóvoa, que demostrou estar en boa forma, tomou nota.