Polos traballos anuais de limpeza da maleza exterior deste monumento
30 may 2025 . Actualizado á 17:15 h.O Concello de Monforte anunciou este venres que o próximo luns, 2 de xuño, cortará a ponte vella por completo ao tráfico rodado e ao paso de persoas a partir das oito da mañá. A medida, coordinada coa Policía Local, permitirá levar a cabo os traballos de limpeza integral da ponte, unha actuación que se realiza anualmente para manter este emblemático espazo en óptimas condicións.
Os traballos serán executados por persoal da brigada municipal de parques e xardíns, que se encargará da retirada de residuos e labores de mantemento xeral. O corte de tráfico manterase mentres duren as tarefas de limpeza. Non hai por agora unha hora concreta de finalización.
As autoridades recomendan a peoas e condutores planificar con antelación os seus desprazamentos para evitar incidencias, e a utilizar rutas alternativas durante a mañá do luns.
Esta intervención forma parte do plan anual de conservación do patrimonio urbano de Monforte, que nos últimos anos incluíu accións similares na Ponte Vella para garantir a súa limpeza e seguridade. O Concello lembra que se trata dunha medida temporal necesaria para preservar este enclave histórico, fundamental para a mobilidade da cidade.