Unha nova avaría deixa 14 horas sen auga a vivendas da rúa Francisco Moure
MONFORTE DE LEMOS
![Avería en la calle Francisco Moure, en una imagen de archivo](https://img.lavdg.com/sc/_K6aHb4bZAyk5wLdABgFIbVGb5U=/480x/2024/05/18/00121716050581478953874/Foto/M15F8008.jpg)
Os veciños da rúa Escultor Francisco Moure, en Monforte, din perder xa a conta das avarías máis recentes como consecuencia dos rebentóns na rede de abastecemento de auga. O último produciuse ao redor das oito da tarde do pasado vises e a subministración non puido restablecerse ata as dez da mañá do sábado. A empresa Aqualia, concesionaria do servizo, explicou aos veciños que se interesaron pola tardanza na reparación que non poden traballar de noite para non infrinxir a normativa municipal sobre contaminación acústica.
O persoal da adxudicataria da auga estaba a traballar á primeira hora da na reparación da avaría, que afectou só os edificios dunha das marxes da rúa. A empresa informou os veciños de que tivo constancia da avaría ao redor das dez da noite do venres.