Primeiro derrubamento no tramo novo da LU-561, que atravesa a serra de sur a norte entre Quiroga e Seoane
16 ene 2023 . Actualizado ás 21:06 h.A borrasca Gerard está a deixar choivas marca no municipio de Folgoso do Courel. Segundo os datos deste luns a media tarde, no Courel rexístranse as maiores precipitacións do día. A estación meteorolóxica local había recomido ás seis da tarde 111,7 litros por metro cadrado nas 24 horas previas. Tanta auga empezou xa a provocar problemas nas estradas. O tramo provisional da LU-651 sufriu un derrumbe a media tarde de hoxe, pero segue aberto ao tráfico.
O derrumbe, que se produciu pouco despois das cinco da tarde, encheu de terra a beiravía dereita, en sentido Seoane, e cortou o paso pola estrada sen asfaltar que leva cara ao pico de Penaboa. Con todo, non chegou a ser tan grande como para impedir o paso pola calzada da LU-651.
«Levo moito tempo vindo ao Courel e nunca vira tanta auga correndo por esta estrada». Así describía este luns a situación da LU-651 un condutor sorprendido polo que vía, a pesar de que está habituado ao torrentes que nestas montañas se forman por todas partes cando chove con intensidade.
A LU-651 é a principal vía de comunicación do Courel, porque atravesa o municipio de sur a norte desde Quiroga a Seoane pasando por Folgoso e é tamén a máis rápida e da maior capacidade. Pois este luns había que extremar o coidado para circular por ela e non só por o corremento de terra no tramo provisional, construído fai uns meses para salvar o anaco de estrada que veu abaixo tras un afundimento na mina de lousa de SantaEufemia . A auga caía en torrente e nalgúns tramos pasaba por amais da estrada, ante a saturación das conducións instaladas para canalizala.
Folgoso do Courel é o municipio galego no que máis está chovendo este luns
Ás seis da tarde deste luns, a estación de Meteogalicia en Folgoso do Courel foi a que máis choiva recollera nas 24 horas previas. Cos seus 111,7 litros por metro cadrado, superaba ás de Ortigueira, con 93.5 litros por metro cadrado; Vilalba, con 90.6; Abadín, con 88.4; ou Monfero, con 82.3.
