A condutora do vehículo pesado resultou ferida o accidente
01 mares 2024 . Actualizado ás 19:05 h.Unha camioneira resultou ferida este venres no municipio de Carballedo ao envorcar o vehículo que conducía. Este accidente de tráfico produciuse no tramo da estrada Ourense-Lugo que pasa preto da Barrela, a localidade de Carballedo na que está o Concello.
A vítima conducía un camión articulado por esta estrada, a N-540. O vehículo envorcou ás tres e dez da tarde, cando circulaba pola rotonda situada no punto quilométrico 61,000. O camión quedou envorcado sobre o seu lateral dereito, de forma que interrompía a circulación polo carril exterior da rotonda.
O camión levaba un remolque cargado de xamóns. Aparentemente, a caixa do remolque resistiu ben o golpe. A única ferida é a condutora do vehículo pesado, que era tamén a súa única ocupante.
Axentes da Garda Civil de tráfico regularon a circulación na rotonda tras o sinistro.