Celebraranse entre o 2 e 0 3 de xuño e contarán coa participación de varias fundacións
26 may 2025 . Actualizado á 16:42 h.Ou museo do Pazo de Tor, en Monforte , acollerá entre o 2 e o 3 de xuño a quinta edición das Xornadas Pacegas, un encontro divulgativo que nesta ocasión estará dedicado á relación entre o mundo dos pazos e a creación literaria. No caso de Tor, sinalan desde a Rede Museística Provincial, hai unha relación entre os antigos propietarios do pazo e a literatura de Benito Vicetto, Valle-Inclán, Uxío Novoneyra e Manuel María.
Na primeira xornada haberá unha serie de charlas a partir das 16.30 horas e na segunda, desde as 17.00 horas. O programa comprende unha serie de charlas e coloquios na que participarán representantes da Rede Museística Provincial e das fundacións Manuel María, Uxío Novoneyra e Otero Pedrayo, así como da Real Academia Galega. Nas xornadas tomarán parte os escritores Nieves Neira, María López Sández, María Sánchez e Anxo Angueira.
Nas charlas abordaranse as relacións entre a literatura galega e o mundo dos pazos, así como as residencias literarias organizadas nos últimos anos en Tor en colaboración coa Fundación Uxío Novoneyra.
A asistenciaé gratuíta, pero é preciso realizar unha inscrición previa, o que pode facerse a través do correo electrónico concertacionsrmp@gmail.com.