Monforte e Chantada figuran na lista de lugares onde aínda está pendente xunto con outros seis municipios da zona
27 dic 2019 . Actualizado ás 17:31 h.Ata o 30 de setembro do 2020 poderán solicitarse axudas para o cambio de frecuencias da TDT. O importe oscila entre 104,3 e 677,95 euros, en función das características das instalacións. Para cobrar as subvencións, será necesario solicitar a correspondente factura aos profesionais que realicen as modificacións.
Entre os municipios onde está pendente o cambio de frecuencias están oito do sur da provincia, nos que está previsto que as modificacións leven a cabo a comezos do 2020.
Nesa tesitura atópanse Bóveda, Carballedo, Chantada, Monforte, Pantón, A Pobra do Brollón. O Saviñao e Sober. Dentro dos prazos fixados, poderase optar en todos elas ás subvencións aprobadas polo Goberno.
Na actualidade a emisión realízase de xeito simultáneo nas frecuencias antigas e nas novas, pero a partir do próximo 10 de febreiro as canles só se poderán sintonizar nas novas.
Segundo informa a Subdelegación do Goberno en Lugo, o cambio e frecuencias non implica a desaparición de ningunha canle nin a caducidade de ningún dispositivo electrónico.
«Simplemente desprazaranse as frecuencias e é necesaria a adaptación das instalacións colectivas de recepción de sinal», sinala este organismo.