Israel pecha un día os puntos de repartición de comida tras máis de cen mortos

Sen comida morren. E cando van a por alimentos mátanos. Desde o 27 de maio, máis de cen gazatíes foron asasinados a tiros mentres ían camiño dos novos centros de repartición. Desde esa data, cando Israel levantou o bloqueo á axuda humanitaria que mantiña desde o 2 de marzo, a distribución de subministracións xa non depende da ONU senón da Fundación Humanitaria de Gaza (GHF), unha entidade privada impulsada polos Gobernos de Washington e Tel Aviv. Ante a sucesión de incidentes e mortes destes días, a GHF decidiu este mércores pechar os puntos de repartición para reforzar a súa seguridade. Hoxe volven estar abertos. Pero na Franxa non só mata a fame. Polo menos 18 persoas morreron nesta xornada durante un ataque das forzas israelís contra unha escola de Jan Yunis onde se refuxiaban familias de desprazados.

Mentres nas televisións aparecían imaxes de cheas de comida caducada que podrece nos camións retidos na fronteira, os gazatíes quedaron onte sen centros de repartición de alimentos. A fundación GHF tomou esa decisión «por motivos de actualización, reorganización e mellora da eficiencia». E lanzou unha advertencia: «O acceso a estas áreas está prohibido». O Exército israelí díxoo con outras palabras: «Prohibido circular polas estradas que conducen aos centros de distribución, que son zonas de combate».

A ONU e as organizacións humanitarias levan días criticando o funcionamento de GHF, que ten a súa sede na Suíza. Denuncian que incumpre as normas internacionais de neutralidade na entrega de axuda e consideran que esta fundación é a cabeza visible dun plan para facilitar o control por parte de Israel dos puntos de entrega de alimentos e do destino final desas subministracións.

O martes, a GHF nomeou o reverendo Johnnie Moore como o seu novo presidente executivo, en substitución de Jake Wood, quen dimitiu ante a falta de neutralidade e independencia da organización. O reverendo foi nomeado comisario para a Liberdade Relixiosa Internacional polo presidente Donald Trump, na súa biografía defínese como un «destacado amigo evanxélico do Estado de Israel» e apoia a iniciativa converter o enclave na Riviera de Oriente Medio.

O nomeamento tivo lugar o mesmo día en que medios estadounidenses informaron de que o Boston Consulting Group (BCG) abandonaba as súas operacións en GHF. Foi a entidade responsable de fixar as tarifas e dos contratos da construción dos centros de distribución. Segundo esta empresa, fíxoo sen recibir ningunha compensación, pero, segundo The Washington Post, presentou facturas mensuais por valor de máis dun millón de dólares. 

Aínda que os puntos de distribución de GHF reábrense este xoves, a comida chega con contagotas e faltan tanto combustibles como medicamentos e produtos hixiénicos. O Programa Mundial de Alimentos da ONU asegura que os gazatíes «buscan alimentos entre o lixo» e que consomen comida caducada. Teñen que racionar a auga potable. Non dá para beber, cociñar e lavar. Hai que elixir. Tamén os adultos se autoimponen restricións para deixar algo de alimento aos máis pequenos. A ONU lembra que 71.000 menores e 17.000 nais están en perigo de desnutrición aguda.

Investigación independente

 Ante esa situación de fame negra xeneralizada, a xestión da axuda humanitaria é clave. Agora está en mans de GHF, controlada por EE.UU. e Israel. Tras as máis de cen mortes rexistradas nos accesos aos centros distribución, a ONU e o Reino Unido pediron que se abra unha investigación independente para aclarar quen está detrás deses asasinatos. Segundo o xefe de Asunto Humanitarios de Nacións Unidas, Tom Fletcher, estes incidentes son o «resultado de decisións deliberadas de Israel».

Mentres, no paso fronteirizo de Kerem Shalom, unha trintena de membros do grupo ultras hebreo TSAV 9 trataron de impedir o paso de axuda humanitaria á Franxa

---

---

---