O estudante detalla aos seus 330.000 seguidores en Twitter os movementos de ducias de aeronaves ao dispor de Putin e dos millonarios afíns ao réxime
03 mar 2022 . Actualizado á 09:07 h.O mozo de Florida que cobrou notoriedade por rastrexar en liña os movementos do avión privado do empresario estadounidense Elon Musk creou dous novos perfís en Twitter para seguir os jets do Gobierno de Putin e dos oligarcas rusos afíns ao réxime. Os perfís @RUOligarchJets e @Putinjet, que manexa Jack Sweeney, de 19 anos, xa suman en conxunto máis de 330.000 seguidores, segundo informa Efe.
Segundo contou a diversos medios, a iniciativa partiu da propia comunidade de Twitter, que lle pediu que fixese con eses millonarios e con Putin o mesmo que con Musk. Nunha mensaxe en @PutinJet, Sweeney, estudante de primeiro curso na Universidade da Florida Central, advirte aos seus seguidores que non esperen moita precisión pois hai ducias de avións ao dispor do presidente ruso, Vladimir Putin, e outros altos cargos do Gobierno e ademais o Sistema de Vixilancia Dependente Automática (ADS-B) non funciona ben en Rusia.
Entre os millonarios rastrexados por Sweeney están Roman Abramóvich, aínda dono do club de fútbol Chelsea da primeira división inglesa, e Leonid Mikhelson, presidente da produtora de gas Novatek.
Roman Abramovich's Jet LX-RAY Landed in Ankara, Ankara Province, TR. Apx. flt. estafe 35 Mins. pic.twitter.com/8mbvcrf47q
— Russian Oligarch Jets (@RUOligarchJets) March 2, 2022
Nun entrevista con Bloomberg, Sweeney declarouse asombrado pola cantidade e o tamaño dos avións que teñen os oligarcas rusos. «É unha absoluta tolemia», dixo. Os millonarios rastrexados usan modelos de avión como o Airbus A319 e o Boeing 737, que na aviación comerciar utilízanse para o transporte de pasaxeiros. Só de Abramovich rastrexa seis avións privados.
A lista de oligarcas rastrexados inclúe tamén a Alexander Avramov, Oleg Deripaska, Mihail Fridman, Viktor Medvedchuk, Leonard Blavatnik, Dmitry Ryboloviev, Arkady Rotenberg, Eugene Schvidler, Alexey Mordashov, Vladmir Lisin, Andrey Melnichenko, Suleiman Kerimo e Oleg Tinkov.
Oferta errada de Elon Musk
En xaneiro pasado, Elon Musk bloqueou nas redes sociais a Sweeney por non aceptar unha oferta de 5.000 dólares por pechar a conta @ElonJet en Twitter desde a que informa dos movementos do avión do dono de SpaceX e Tesla. O novo estudante universitario contou entón a unha canle de Miami que mantivo contacto co poderoso empresario desde finais de novembro.
Musk preguntoulle acerca da tecnoloxía bot que usa para rastrexar o seu avión e expúxolle que entraña un risco para a súa seguridade, polo que lle ofreceu 5.000 dólares por pechala. «Non me gusta a idea de que me dispare un chiflado», díxolle Musk, segundo contou o estudante na entrevista.
Á oferta de 5.000 dólares Sweeney respondeu pedindo 50.000 dólares, o prezo dun auto Tesla modelo 3, ou que lle dese a posibilidade de ser bolseiro nunha das súas empresas. Musk pensouno durante un mes e un día da segunda metade de xaneiro o mozo atopouse con que o bloqueara nas redes.
Sweeney tamén rastrexa os avións dos millonarios Bill Gates e Jeff Bezos e o do expresidente Donald Trump, segundo a entrevista coa canle NBC.