O acordo co catalán está case pechado e o dianteiro do Bruxo será a terceira incorporación dun Celta que xa fixo cinco movementos de mercado
23 jun 2025 . Actualizado á 05:00 h.Non é a diario xuño un mes de moitos movementos no Celta. Hai un ano, sen ir máis lonxe, o taboleiro celeste permanecía en punto morto a estas alturas; con todo, este ano o conxunto vigués xa anunciou a fichaxe de Ionut Radu, a compra de Ilaix Moriba e, en cuestión de días, fará o propio con Ferrán Jutglà, cuxo fichaxe está virtualmente pechado e só pendente de recoñecemento médico e firma.
As negociacións co dianteiro aceleráronse nos últimos días e onte quedaron practicamente pechadas. O xogador deixará o Bruxo belga, co que lle restaba un ano de contrato a cambio dunha cantidade por baixo dos sete millóns e asinará un contrato de longa duración co Celta para compartir fronte de ataque con Iago Aspas, Pablo Durán, Williot Swedberg e poida que con Borja Iglesias, que segue sendo un obxectivo prioritario para Claudio Giráldez.
Con Jutglà, son xa cinco movementos realizados polo Celta neste frenético mes de xuño, porque a maiores de Radu, Ilaix e o atacante catalán, hai que ter en conta a venda de Fer López e o acordo pechado para a ampliación de contrato de Sergio Carreira. Incluso hai unha sexta fronte aberta con Bryan Zaragoza, que en caso de chegar sería como cedido. Todo no inicio dun verán que o propio Celta asume que será longo.
A principal novidade con respecto ao pasado é que o Celta non agardou a activar a operación saída dos cedidos que deben volver a Vigo o 1 de xullo e que non entran a priori nos plans de Claudio Giráldez. Unai Núñez parece difícil que siga no Athletic, agora envorcado en recuperar a Laporte; Dotor é relacionado co Málaga, e Carles Pérez, Manu Sánchez e Aidoo non teñen, a priori, destino, e só Javi Rueda ten un sitio reservado na pretemporada celeste con serias opcións de quedarse.
A pesar de este exceso de tráfico, o Celta moveuse máis que ninguén. O primeiro en chegar foi o porterou Inout Radu, que xa asinou o seu contrato ata o 2029. Facía dous anos que o conxunto vigués non anunciaba unha fichaxe no mes de xuño, fora o de Swedberg recentemente chegado Luís Campos á dirección deportiva externa. O sueco foi a primeira fichaxe do portugués.
O segundo paso dos célticos neste movido xuño foi a compra de Ilaix Moriba. O domingo da semana pasada vencía o prazo e ese día o club anunciaba o pago dos seis millóns e a fichaxe do centrocampistas ata o 2029. O terceiro movemento confirmado foi a sorprendente venda do verán. Fer López xa é historia no Celta a cambio de 23 millóns fixos e dous en variables. Con estas cantidades, o club debe pechar o curso en positivo despois de cumprir coa folla de ruta en materia de ingresos por vendas de xogadores.
A curto prazo, queda por anunciar que Sergio Carreira, que continuará no Celta ata xuño do 2028 despois de ampliar un contrato que finalizaba o 30 de xuño. O vigués é un dos contados casos de xogadores que quedan no primeiro equipo despois de saír cedido, no seu caso, en tres ocasións.