O capitán do Celta, que sempre ten presente a famosa frase de Nolito, comparte os seus números da tempada 2024/2025
24 jun 2025 . Actualizado á 05:00 h.Hai unha frase de Nolito que o seu amigo Iago Aspas fixo súa. Xa a pronunciara varias veces o capitán do Celta e este luns tirou dela para facer balance da súa tempada 2024/2025. «Como me di Nolito, a final de tempada sácame o caderno e os números», comentaba en xaneiro do 2022. E a final dese mesmo ano, compartía as súas estatísticas, como volvía facer onte, tamén aludindo a aquilo.
O caderno de Iago non deixa lugar a dúbidas. Matrícula, ? https://t.co/mon84oxl3r pic.twitter.com/wjr1lkzko7
— Bancada de Río (@gradaderio) June 1, 2022
«O famoso caderno. Os deberes de final de curso», escribía nesta ocasión o moañés, que anotou unha decena de goles, un máis que o a campaña anterior, e deu cinco asistencias. Nos comentarios recibiu as reaccións e eloxios de compañeiros e excompañeros como Mihailo Ristic, Gonçalo Paciência, Strand Larsen ou o seu primo Raúl Blanco, entre outros.