Centenares de afeccionados acudiron ao aeroporto de madrugada para dar a benvida ao equipo
25 may 2025 . Actualizado á 09:35 h.Tanto Claudio Giráldez como Iago Aspas, nas súas declaracións pospartido, emprazaban ao celtismo para celebrar xuntos este domingo a volta do equipo a competición europea oito anos despois. Vai ser o día en que a afección e o equipo festéxeno en praza de América -onde xa onte acudiron en masa os celtistas que non se desprazaran a Xetafe- desde as 19.00 horas, pero foron moitos os que nin puideron nin quixeron agardar.
Así, Peinador tinguiuse tamén de celeste para dar a benvida ao equipo sobre as 2.00 da madrugada. Fronte a outros recibimentos anteriores en que os xogadores foron directos ao autobús sen penas pararse, esta vez, a ocasión merecía un Shalalalalalala e un baño de masas que só será un aperitivo do que espera ao equipo nesta xornada dominical. Ademais, non só había afeccionados, entre os presentes tamén estaba o maior dos tres irmáns deste, Urbe, coa súa muller e os seus dous fillos, os sobriños maiores de Iago, que se abrazaron e fotografaron con el.
Os vigueses pechan a tempada con dous triunfos a domicilio nas últimas saídas e con dous recibimentos. Porque tras gañar en Anoeta, tamén foran un bo puñado de afeccionados os que se achegaron á terminal, cousa que sucedeu por primeira vez cando chegou o primeiro +3 a domicilio, resistindo nAs Palmas con dous homes menos, despois, contra o Mallorca.