Vicente Guaita foi o mellor dos celeste no Cívitas Metropolitano
12 may 2024 . Actualizado á 19:01 h.O mellor | Guaita | 8
O porteiro valenciano fixo sete paradas de mérito e nada puido facer no gol de De Paul.
Jailson | 6
Correcto en defensa e disposto sempre a darlle sempre a darlle saída ao balón. Foi central dereito.
Starfelt | 6
Tiña como misión anular a Griezmann e o francés rematou sendo relevado. Soubo convivir cunha amarela.
Unai Núñez | 5
Mellor en defensa que na saída de balón. Cometeu un par de erros.
Mingueza | 6
Comezou dubitativo, con dúas malas entregas e sufrindo con Riquelme e Lino, pero despois foi a máis, especialmente en ataque.
Beltrán | 6
Moito desgaste e moita presenza no mollo. Participativo.
Damián | 6
Segunda titularidade para o canteirán. Ben co balón e con visión de xogo. Non encimó a De Paul no gol.
Hugo Álvarez | 6
Participou moito no xogo, dando mostras da súa calidade en ataque e disciplinado atrás.
Iago Aspas | 6
Xogou na esquerda moitos minutos e foi gañando protagonismo a medida que pasaban os minutos. Tivo a mellor ocasión.
Larsen | 5
Moito traballo e só unha ocasión clara, na que non chegou ao balón.
Bamba | 7
Pasou á dereita para tapar as subidas do rival e desde participou en todo o xogo de ataque e asinou un dos seus mellores partidos. Acabou moi canso.
Tadeo | 4
Apenas participou no partido xogando como dianteiro. Un tanto desenchufado.
Luca | -
Entrou co partido costa arriba e apenas tivo protagonismo
Douvikas | -
Fixo unha falta e non tivo ningunha oportunidade.
Manquillo | -
Foi o refresco para a zona defensiva con todo o contra. Apenas interveu.
Miguel| -
Entrou no desconto e non tivo tempo para nada.