Os peñistas viviron con emoción o reencontro co seu ídolo tras un longo tempo sen verlle
17 mares 2024 . Actualizado ás 05:00 h.A pena celtista Vicente de Domaio (Moaña) viviu este sábado un momento inesquecible que levaban teimpo agardando. No 2023, a agrupación celtista que leva o nome dun dos grandes capitáns da historia do club vigués cumpriu 30 anos e querían celebralo co homenaxeado, con quen non se puideron reunir desde fai sete anos. O mellor xeito de festexalo.
Os peñistas compartiron un intre moi agradable con el no bar Tropicana. «Foi moi bonito volver estar con el. Fixemos unha xuntanza en plan picoteo, pero o mellor foi poder contrar con el, que é unha persoa majísima e moi próximo», di a presidenta da pena, Inés Calvar, que destaca que tanto os maiores da pena como as novas xeracións o gozaron por igual.
A pena veñen funcionando ininterrompidamente desde 1993 e xa no seu día a Vicente sorprendeulle que pensasen nel, como lle vén sorprendendo que a pena perdure pasados os anos desde a súa retirada. «Era ou único ou dous poucos galegos que xogaban non equipo e polas características que representaba, de loita e entrega, pareceunos que merecía ese recoñecemento», contaba no seu día a La Voz Fran Solla, un dos ideólogos da agrupación. Seguen idolatrando a Vicente como o primeiro día.