«Somos o Celta, non temos outra que sufrir», di o capitán, que avisa tras a derrota do Barcelona de que a el non lle van a «tombar á primeira»
17 feb 2024 . Actualizado á 21:53 h.O futbolista do Celta Iago Aspas lamenta que lles vén pasando durante toda a tempada que «por unhas cousas ou por outras» se lles escapan puntos en partidos nos que merecen máis, caso do duelo fronte ao Barcelona deste sábado en Balaídos. «Pasounos en Montjuic, que gañando 0-2, perdemos 3-2. Pásanos todo ao revés: cada decisión é para o outro lado, sae mal un control e feixes un penalti, estou na área para xutar, pega nun, vaise fóra e na seguinte xogada meten», lamenta. O seu resumo é que fixeron «cousas ben para puntuar», pero non o lograron.
Admite o moañés que están nunha situación difícil, en descenso, pero considera que «o equipo está a competir ben», aínda que as cousas que fai non estean a dar resultado. «Ves que pasan os partidos, poste por detrás no marcador e ás veces vense costa arriba, por suposto. «Vin a un equipo enteiro, competíndolle a un rival de Champions e puidemos sumar. Marcáronnos no 44 e no desconto», lamenta.
Preguntado por que sente ao verse unha vez máis nesta situación de pelexar pola permanencia, contesta: «Somos o Celta, non temos outra que sufrir. Como din, é un 99% de sufrimento e un 1% de felicidade que hai que loitar para telo. Sabemos onde estamos, sufrimos moitísimo. Vou loitar para gañar os máximos partidos posibles. A min non me van a tombar á primeira, téñoo claro».
