Brais Méndez: «Sento Balaídos como a miña casa e iso non vai cambiar; xamais celebraría ante o Celta»
BANCADA DE RÍO
O canteirán do Celta pediu perdón á afección polo gol que decidiu o partido en favor da Real Sociedade
21 ene 2024 . Actualizado á 05:00 h.O canteirán do Celta e actual xogador da Real Sociedade Brais Méndez foi o gran protagonista da vitoria do seu equipo en Balaídos, marcando o único gol do choque e asinando unha grande actuación. Non celebrou o tanto e despois da contenda, explicou como vivira esta segunda volta a casa e as circunstancias do seu perdón ao celtismo por marcar: «Sempre vai ser especial xogar en Balaídos, é a miña casa, séntoo como meu e iso non vai cambiar nunca», introduciu.
E mostrou o seu agradecemento ao celtismo pola acollida, ademais de explicar por que non festexou o tanto e desculpouse coa afección. «Dou as grazas á xente polo cariño, nótoo e non hai diñeiro que pague iso. Xamais podería celebrar ante este equipo», sentenciou. Polo demais, mostrouse satisfeito polo triunfo do seu equipo.
Sobre el falou o seu adestrador, Imanol Alguacil, encantado por unha aposta da que non dubidou no seu día e coa que o tempo lle deu a razón con fartura: «Brais saíunos baratísimo. Non tiña dúbida de que se ía a adaptar rápido polo seu nivel, pero, ademais, é unha belísima persoa e non hai diñeiro para pagar iso».
