O central vasco recoñece que perderon unha oportunidade, aínda que «o rival tamén xoga»
21 dic 2023 . Actualizado á 08:17 h.O central do Celta Unai Núñez foi moi claro á falar da imaxe que deu o equipo celeste en Vilarreal: «A primeira parte foi un desastre, ou non un desastre, pero desorganización defensiva, con balón non tiñamos as ideas claras... Pero o rival tamén xoga», engadiu. Nese sentido, sinalou que os de Marcelino estaban «ben plantados» e movíanlles « de lado a lado» e por «descoidos ou erros de concentración» matáronlles « en momentos puntuais». «Metéronnos moitos goles», constatou.
O defensa comentou sobre o que lles dixera Rafa Benítez no descanso que o que lles pide en todos: «Saír desde o primeiro minuto a deixarnos a pel e coa idea de cada partido, cunha formulación». Lembrou que non protagonizaron a primeira parte que lles «gustaría», pero hai que pensar na segundo. «Temos que xogar todos os minutos de todos os partidos como a segunda parte».
Non oculta a sensación de ocasión desaproveitada. «Se gañabamos, igualabamos ao Vilarreal, saïamos do descenso e outra vez perdemos esa oportunidade». Agora é tempo de «desconectar no parón, ter en conta a situación e que hai que darlle a volta». Ten presente que os rivais pola permanencia seguen sumando e eles necesitan empezar a facelo. «Con gañar o outro día non nos valía, seguimos abaixo», constatou.
En canto á afección, agradece que «se deixa a alma en cada partido» e está seguro que será así fronte ao Betis en Balaídos no primeiro partido do 2024, o día 3 de xaneiro. «Temos que deixarnos a pel tanto por eles como por nós e polo club».
